U BLEI
Ka Baibl ka hikai ia ngi ba u Blei u la thaw ia ka bneng ia ka khyndew bad ia kiei kiei baroh kiba don ha ka (Jen. 1:1). Kum u nongthaw u long bym shym la thaw- ha kawei ka ktien, um shym la thaw u la long bymjukut. Khlem jingsdang bad khlem jingkut. U long u Blei bymjukut (Ex.15:18; Deut.33:27). Ka Baibl ka hikai ruh ia ngi ba u Blei u long u mynsiem (Ioan. 4:24). Ym don uba la iohi ia u lane balah ban iohi ia u Blei kum u mynsiem namar u long u bymlah ban iohi (Kol.1:15; 1Thimo 1:17). U Blei u don ha man la ki jaka (Ps.139:7-10), u long bymlah ban thew ha ka bor (Math 19:26), ha ka jingstad bad ha ka jingtip baroh (Loukas 12:2).
U Blei u long u wei, kaba nynkong eh, ka mut ba u long u bymlah ban pyniakhlad bad, kaba ar ym don da uwei u jingthaw uba lah ban khot Blei nalor jong u. Don tang uwei u Blei (Deut.4:35). U Blei u long u nongai jong ka jing im (Job 33:4), u long u nongsynshar bad u nongbishar jong ka pyrthei bad baroh kiba long ha u (Ps. 10:16). Un sa wallam ia baroh ki jingpyrkhat, ki ktien ki kam jong ki briew sha ka jingbishar ha ka sngi ba khadduh, bad la khot ruh ia kata ka sngi, ka sngi jingbishar (2Pet. 3:7).
Ka Baibl ka hukum ia ki briew baroh kylleng sawdong ban aiti sha u Blei ha ka jingtieng burom, ka jingkylla ba mut na ki pop bad ka jingkohnguh ka jingngeit (Ekle 12:13; Ki Kam 17:30).
Ka Baibl ka iathuh ia ngi ba u Blei u long u kpa jong ngi (Math. 6:9; Ki Kam17:29). U la ieit ia ngi da ka jingieit ba bymjukut (Jer. 31:3) bad ym shym la kwah ia ngi ban jot noh ha ki pop jong ngi (Ki jing pyrkhat bad ki jingleh kiba sniew kiba u wei pa uwei na ngi, ngi bakla). Namar kata ka daw u Blei u la pynkhreh ka lynti ka jingpynim na ka bynta jong ngi ba da lade hi u la shym ia ka jaka jong ngi ban shah pynshitom bein bad shah shitom na ka bynta jong ngi. Haba u la wan longbriew, kum u briew u la siew ia ngi ka kuna lyngba ka jingshah iap jong u halor ka diengphna kaba long sha bymjukut. Namar kata u Blei u long u nongpynim jong ngi tang ma u hi ruh (Jude 1:25) uno uno uba duwai ha u Blei da ka dohnud ha shisha, u long uba la kloi ban iohsngiew. Namar u Blei u don haman la ki jaka bad u long kham hajan ban ia ka jingring mynsiem jong ngi (Ps. 34:17; 130:1).
Uno uno uban ong “Nga sngewsih namar ki pop jong nga, sngew bha map ia nga Trai.” U long ba la map da u Blei bad ia ki pop jong u la pynkynriah sha jngai kumba ka mihngi ka jngai na sepngi (ha kawei ka ktien, ka mut ba la pyndam shi symdon, Ps. 103:12). Kane ka jingmap bad ka jingsdang jong ka jingim ba thymmai la ai ha ngi da ka jingknia ka jingshahiap u Jisu Khrist (uba long ka dur bad u ktien jong u Blei u la wan long kum u briew 2000 snem mynshwa) da kaba u la pynduh noh iaka pyrthei barim jong ka pop bad ka jingiap, da kaba mihpat na kiba iap ha ka sngi kaba lai, ban wallam ia ka jingim ba thymmai ia ngi baroh.
© Thermudis Marbaniang, 2010
Ka Baibl ka hikai ia ngi ba u Blei u la thaw ia ka bneng ia ka khyndew bad ia kiei kiei baroh kiba don ha ka (Jen. 1:1). Kum u nongthaw u long bym shym la thaw- ha kawei ka ktien, um shym la thaw u la long bymjukut. Khlem jingsdang bad khlem jingkut. U long u Blei bymjukut (Ex.15:18; Deut.33:27). Ka Baibl ka hikai ruh ia ngi ba u Blei u long u mynsiem (Ioan. 4:24). Ym don uba la iohi ia u lane balah ban iohi ia u Blei kum u mynsiem namar u long u bymlah ban iohi (Kol.1:15; 1Thimo 1:17). U Blei u don ha man la ki jaka (Ps.139:7-10), u long bymlah ban thew ha ka bor (Math 19:26), ha ka jingstad bad ha ka jingtip baroh (Loukas 12:2).
U Blei u long u wei, kaba nynkong eh, ka mut ba u long u bymlah ban pyniakhlad bad, kaba ar ym don da uwei u jingthaw uba lah ban khot Blei nalor jong u. Don tang uwei u Blei (Deut.4:35). U Blei u long u nongai jong ka jing im (Job 33:4), u long u nongsynshar bad u nongbishar jong ka pyrthei bad baroh kiba long ha u (Ps. 10:16). Un sa wallam ia baroh ki jingpyrkhat, ki ktien ki kam jong ki briew sha ka jingbishar ha ka sngi ba khadduh, bad la khot ruh ia kata ka sngi, ka sngi jingbishar (2Pet. 3:7).
Ka Baibl ka hukum ia ki briew baroh kylleng sawdong ban aiti sha u Blei ha ka jingtieng burom, ka jingkylla ba mut na ki pop bad ka jingkohnguh ka jingngeit (Ekle 12:13; Ki Kam 17:30).
Ka Baibl ka iathuh ia ngi ba u Blei u long u kpa jong ngi (Math. 6:9; Ki Kam17:29). U la ieit ia ngi da ka jingieit ba bymjukut (Jer. 31:3) bad ym shym la kwah ia ngi ban jot noh ha ki pop jong ngi (Ki jing pyrkhat bad ki jingleh kiba sniew kiba u wei pa uwei na ngi, ngi bakla). Namar kata ka daw u Blei u la pynkhreh ka lynti ka jingpynim na ka bynta jong ngi ba da lade hi u la shym ia ka jaka jong ngi ban shah pynshitom bein bad shah shitom na ka bynta jong ngi. Haba u la wan longbriew, kum u briew u la siew ia ngi ka kuna lyngba ka jingshah iap jong u halor ka diengphna kaba long sha bymjukut. Namar kata u Blei u long u nongpynim jong ngi tang ma u hi ruh (Jude 1:25) uno uno uba duwai ha u Blei da ka dohnud ha shisha, u long uba la kloi ban iohsngiew. Namar u Blei u don haman la ki jaka bad u long kham hajan ban ia ka jingring mynsiem jong ngi (Ps. 34:17; 130:1).
Uno uno uban ong “Nga sngewsih namar ki pop jong nga, sngew bha map ia nga Trai.” U long ba la map da u Blei bad ia ki pop jong u la pynkynriah sha jngai kumba ka mihngi ka jngai na sepngi (ha kawei ka ktien, ka mut ba la pyndam shi symdon, Ps. 103:12). Kane ka jingmap bad ka jingsdang jong ka jingim ba thymmai la ai ha ngi da ka jingknia ka jingshahiap u Jisu Khrist (uba long ka dur bad u ktien jong u Blei u la wan long kum u briew 2000 snem mynshwa) da kaba u la pynduh noh iaka pyrthei barim jong ka pop bad ka jingiap, da kaba mihpat na kiba iap ha ka sngi kaba lai, ban wallam ia ka jingim ba thymmai ia ngi baroh.
© Thermudis Marbaniang, 2010
