KI ANGEL
Ki angel ki long ki jingthaw ba im junom kiba kynja bneng ba la thaw da u Blei (Jing.19:10; 22:8-9; Kol.2:18; Lk.20:34-36). La khot “ki mynsiem ba shakri” (Heb.1:14). Ki long ki ba khlem jaid bad bymlah niew (Lk.20:34-35; Dan.7:10; Heb.12:22). Ki don bunjaid ki angel. Ia ki Cherubim la buh ha ka kper jong u Blei ryngkat bad u Blei (Jen.3:24; Ex.25:22; Exe.28:13-14). Ia ki Seraphim (lane u nongtbehding la iohi kum ki nongmane jong u Blei ha u Isaiah 6:2-3. Hangne don arngut ki angel rangbah, u Mikhail u rangbah jong ki angel ba ialeh thma (Jude 1:9; Jing.12:7), bad u Gabriel u nongrah khubor jong u Blei (Lk.1:19; Dan.8:16; 9:21). Ia ki angel la tip ruh kum “ki angel ba la jied” namar ki don la ka kyrdan hakhmat jong u Blei (1Thi. 5:21). Ki la long kito kiba iaisah ha ka jingngeit sha u Blei ha ka por ka jingialeh pyrshah jong u Soitan(uba la long u Kherub ba la pynsleh da u Blei shwa ka jinghap noh jong u).
Ki angel ki don ka jinstad (2Sam.14:17; 1Pet.1:12) Kiba bud ia ki hukum jong u Blei (Ps.103:20). Kiba ieng hakhmat u Blei ha ka burom ki mane ia u (Neh.9:6; Heb.1:6). Kiba jemnud (2Pet.2:11), bakhraw (Ps.103:20), bad ba khuid (Jing.14:10). Ki long ki shakri bad ki mynsiem ba shakri jong u Blei, ki shakri ia u katkum ka hukum jong u Blei (Heb.1:14; Ps.103:20).
© Thermudis Marbaniang, 2010
