KA BAIBL
Ka Baibl ka long ka kot jong u Blei ban hikai lane ban pynbeit ia ka jingim jong uwei pa uwei ban tip ba ka jingpynim ka long lyngba ka jingngeit ha u Jisu Khrist (2Thi. 3:15). Ka long ba la thoh da ki riewkhuid jong u Blei haba la pynkhih da ka jingiathuhlypa ka jingpynsleh jong u mynsiem bakhuid (Heb.1:1; 2Pet.1:20,21). Namarkata, la khot bad la pyrsad da ktien jong u Blei (2Thi.3:16). Ia ka ktien jong u Blei ym lah ban sngewthuh da ka jingim ba kynja pyrthei. Ka jinghikai jong ka jingpynim la pyniasnoh lang ia ngi lyngba u mynsiem bakhuid (1Kor.2:10-16). Namarkata u briew u bymkynja mynsiem um lah ban shemphang lane ban sngewthuh ia kiei kiei kiba kynja mynsiem. Ka Baibl ka long ban hikai ia u briew ia ka jingim ba kynja mynsiem ban ym bakla ha ka lynti jong u (Jing. 22:6).
Ka Baibl lane ki jingthoh bakhuid ki pynshisha shaphang u Jisu Khrist (Ioan. 5:29; Gal.3:8). Namarkata, la ong ba, “Ka jingphla jong u Jisu ka long ha u mynsiem jong ka jingiathuh lupa” (Jing. 19:10). Ia u bangeit la khot ban pule bad ban sngewthuh ia ki jingthoh (Ps.1:2). Ka Baibl ka kren pyrshah na ka bynta ki jingthoh ba kyllain bad pyrshah ia ka jingpynlong lane ban shimnoh na ki jingthoh (2Pet.3:16; Jing.22:18,19).
© Thermudis Marbaniang, 2010
