Ka Jingbishar
Ka Baibl ka hikai ia ngi ba baroh ki jingleh bad ki kam un wallam sha ka jingbishar ha khmat u Blei ha ka sngi ba khadduh. U Jisu u la ai ia ki dak ki shin ba ngi la poi hajan jong kane ka sngi ba khadduh. Ka jingphaidien bad ki jongiathuh lypa ba lamler ka jingwan jong ki nongialeh pyrshah jong u Khrist kiba pynshitom ia ki briew jong u Blei ka sain hima kaba synshar ia ka pyrthei, ki thma, ki khynniuh jumai, ka jingiapthngan, ka jingroi ka jingremdor ki mar ki mata, ki rukom mane blei ba khyllah, ki dak ha bneng bad bunjait kiei kiei kiba pher (Matt. 24). Hadien kine kiei kiei u khun u Blei un sa wan ha ki lyoh lem bad ki angel jong u (2Thess.1:7). Un sa mihpaw ha kaba arsien na ka bynta ka jingpynim ia ki briew jong u bad ka jingbishar ia ka pyrthei (Heb.9:28). Kito kiba ha u Khrist nyngkong kin sa mihpat bad kito kiba ngeit ha u kiba dangim un sa rong noh sha sahit bneng lem bad u Trai junom la junom (1Thes.4:16,17). Ia u Soitan bad ki angel jong u un bret sha dujok, kaba long ka jingpynshitom ba khadduh (Math.25:41; Jing.20:10). Kito kiba ia ki kyrteng jong ki ym shym la shem ha ka kitab ka jingim un sa bret sha ka pung ka ding bymjulip (Jing.20:15) namar yn sa bishar laki kat kum ki kam ki jongki (Rom.2:5,6; Judah 15). Kiba kohnguh ha u Khrist kin ioh kynti ia ka hima jong u Blei (Jing.21:7).
© Thermudis Marbaniang, 2010
