KA BALANG
Ka balang ka long ka jingiaseng jong ki nongbud u Jisu Khrist. La tip ruh ia ka kum ka tnga jong u khun langbrot (Jing.21:9; Eph.5:25-27; Jing.19:7). Ka met jong u Khrist (1Kor.12:27) bad ka ingshong jong u Blei (1Pet.1:5,6; Eph.2:21,22; 1Kor.3:16,17). Ka balang ka long ka long ka nongrim ba la tei da ki apostol bad ki nongiathuhlypa. U Jisu Khrist da lade hi u la long “u mawdong ba hakhlieh tam eh“ (Eph.2:20). Namarkata ka jinghikai ki apostol bad ka jingpyntip ka jingiathuh lupa la buh nongrim ha ka balang (Ki Kam 2:42; 15:32). Ka balang ka jingiasyllok jong ki para bangeit. Namar kata ia ki Khristan la hukum ban ym iehnoh ia ka jingiasenglang (Heb.10:25). Ka balang ka long ka ïngshong jong u Blei. Namarkata ha ka ïng jong u, ka dei ban long kaba ia tylli lang ba iasyrdoh lang ba ia sngewthuhlang bad ba ia mut lang (Eph.2:19; 1Kor.1:10; Ioan.13:35; Gal.6:1,2).
Ka balang ka long ia baroh bad ha baroh. U Trai Jisu u la thung ia ki apostol ki nongiathuh lupa ki nongialap, ki nonglikai bad ki pastor na ka bynta ban sumar bad ban pyniaid ia ka balang (Eph.4:11,12). Ki jingai jong u mynsiem bakhuid ha uwei pa uwei ka long khamtam ban tei ia ka balang (1Kor.12). Ia ka balang la khot ban pynbna ia ka Kospel jong u Jisu Khrist ha baroh ka wei ka pyrthei, ban pynlong synran ia ki bad ban hikai ia ki briew ia ki jinghikai jong u Jisu Khrist (Math.28:19-20). Kane ka jingpynbna ka long ryngkat ki dak bad ki jingphylla kiba u Trai u la leh ban pynshisha ia ka ktien jong u Blei (Mk.16:20; Heb.2:4).
Ki artylli ki jingpynbeit ha ka balang. Ki long ka jingpynbaptis hapoh ka um (Math.28:19) bad ka miej ka jong u Trai lane ka jingkhawai u Trai (1 Kor.11:23-29). U Jisu Khrist un sawanbiang sha kane ka pyrthei na ka bynta ka balang jong u. Hangta kito kiba iap ha u Khrist nynkong kin sa mih pat bad ia kito ki ba dangim yn sa rong noh lem bad u ha ki lyoh ban long rynkat bad u junom la junom (1Thes.4:16,17).
© Thermudis Marbaniang, 2010
