KA JINGPYNIM
Ka Kospel lane ka khubor ba bha ka pynbna ba ka jait bynriew kalah ban ioh ia ka jingmap na ki pop da ka jingngeit ha u Jisu Khrist. U Blei u la phah ia u Jisu Khrist u khun jong u sha kane ka pyrthei ban long u langbrot ka jingknia jong u Blei ban siewspah naka bynta ki pop jong ka pyrthei (Ioan.1:29). Ka met ka jong u Jisu Khrist ka long ka met ka jingknia ba la sleh bad ba la pyniakhlad da u mynsiem bakhuid (Loukas 1:35; Heb,10:5). Ia ka jingshah jynjar jong u Jisu Khrist la lah pynpaw lypa da u mynsiem bakhuid sha ki nongiathuh lypa ba mynbarim ba un sa shah ha ka bynta ki pop jong pyrthei baroh kawei (1Pet.1:10, 11). U Khrist u la kylla long u ksiang hapdeng u briew bad u Blei lyngba ka jing wan longbriew jong u bad ka jingsiew spah ka jingiap, namarkata lyngba ka jingknia jong ka met jong u da u mynsiem bymjukut (Heb. 9:14). U la pli ka lad na ka bynta jong ngi ba ngin don hakhmat u Blei (Heb.10:19,20). Lyngba ka jingsiewspah ka jingiap jong u bad ka jingmih pat u Jisu Khrist la pynlong ka lynti jong ka jingiasuk hapdeng u Blei bad u briew (Rom. 5:10; Heb.1:3).
Kito ki bymshym la pdiang ia kane ka jingtyrwa jong ka jingpynim kim laioh ia ka jingpynim. Hynrei ka jingpynshitom ka jing pynjot ba bymjukut ha khmat jong u Trai ba na ka burom ka bor jong u (2 Thess. 1:9). Kito kiba la pdiang ia u Jisu Khrist kum u Trai bad u nongpynim jong ki la pyllait ia ki na ka bor jong ka jingdum sha ka hima jong u Trai Jisu Khrist (Kol.1:13). La ai ha ki ia ka jinglongtrai kum ki khun bad ki nong iohpateng da u Jisu Khrist (Ioannis 1:12; Rom.8:17).
Ki jingkyrkhu jong ka jingpynim ki long kumne:
1. Ka jingiohmap ia ki pop (Eph.1:7).
2. Ka jingpynksan ka hok (Rom.4:25).
3. Ka jingim bymjukut (Ioan. 3:16).
4. Ka jinglong traishnong ha bneng (Phil.3:20).
5. Ka jingiohpateng bymjukut (Heb. 9:15).
6. Ka itiar lane ka bor halor ki ksuid bad ki jingpang (Lk.10:19).
7. Ki soh jong u mynsiem bakhuid (Gal. 5:22,23).
8. Ka burom ka jingmihpat (1Kor. 15:51,54).
© Thermudis Marbaniang, 2010