U JISU KHRIST
Ka Baibl ka iathuh ia ngi ba u Jisu u long u khun jong u Blei (Ioan. 3:16) ha uba bad lyngba uba u Blei u la pynpaw sha ngi (Heb. 1:1,2). U long u Ktien jong u Blei (Ioan. 1:1), uba long ka dur u Blei u bymlah ban iohi (Kol. 1:15), u la long bym shym la thaw lane bym shym la kha; um shym la long “u khun”, ha ka jingsngewthuh; u long bymjukut, u long u Blei (Ioan. 1:1). U long tang ma u u ksiang hapdeng u Blei bad u briew (1Thi.2:5). Namar kata la pyni shynna sha ngi shaphang u Blei lyngba u Jisu Khrist namar hau kata ka jingdap ka jinglong Blei ka shong tylli (Kol.2:9). Ha u la pyndur ia ka jinglong briew jong u Blei, u nongthaw bad u nong pynlong ia ka bneng ba ia ka khyndew (Kol.1:16; Heb.1:13). Um shym ha long u wei pat u Blei hynrei u la long u Blei bad tang u wei bad u Blei (Ioan. 17:22). Uba long lai ha u wei u Blei u long u Kpa, u Blei u long u Khun, u Blei u long u mynsiem bakhuid hynrei u Blei um long lai, u long u wei. Baroh lai ki long tang u wei. Kumno ka lah ban long? Ka lah ban long namar u Blei u long uba shisha, u Blei u long ka jingkmen, u Blei u long ka jingieit uba shisha, u Blei u long shitylli u long u nongtip uba tip bad u mynsiem ba la tip lut ia kiei kiei baroh. Uba ieit u nongieit ba la ieit, bad ka mynsiem baieit bad ba kmen. U nongleh kmen uba dap da ka jingkmen bad ka mynsiem ba kmen. U Jisu u la long mynshwa ban ia u Abraham (Ioan. 8:58). U Jisu u la long shwa ban thaw ia kiei kiei baroh. U Jisu u la long bym don jingsdang ne jingkut. Baroh ia kiei kiei la thaw lyngba u Jisu bad da u Jisu (Kol. 1:16). U long u nongiohpateng jong u Blei, uba la kha nyngkong jong ki jingthaw baroh (Kol. 1:15). U long u nongsiewspah jong ka jingthaw baroh, u nongpynim jong ka pyrthei, uba na ka bynta kane ka jingthmu u la wan long briew (Ioan. 1:14) ban siew ka kuna namar ki pop jong ngi baroh, bad ban pyndep ia ka jinglong hok jong u Blei (Heb.2:9-18). U la mih pat na ka jingiap bad u la kylla long u nongthoh jong ka jingthaw ba thymmai, ba baroh kiba pdiang ia u da ka jingkohnguh jong ka jingngeit la pynlong ki nongioh pateng jong ka hima jong u Blei. Un sa wan pat biang ha ka sngi kaba khadduh ban bishar ia kiba im bad ba iap (2Thi.4:1).
© Thermudis Marbaniang, 2010
