U Mynsiem Bakhuid
Ia u mynsiem bakhuid ha ka Baibl la khot da ki bun ki kyrteng, “Kum u mynsiem jong u Blei” (Jen 1:2), “u mynsiem jong ka jingshisha” (Ioan.14:17), “u mynsiem ba khuid” (Lk.11:13), “u mynsiem jong ka jingkhuid” (Rom.1:4), bad “u nongpyntngen” (Ioan.14:26). U mynsiem bakhuid u long u nongthaw jong kiei kiei baroh bad u nongai jong ka jingim (Job 33:4; Ps.104:30). U long u nongpyrsat mynsiem jong ka jingthoh ba khuid baroh (2 Pet.1:21). Ka long lyngba jong u ba la pynpaw ia ki kambah jong u Blei ha baroh kawei ka pyrthei lyngba ki shakri jong u Blei (1Sam.10:10; Ki Kam 10:38; 1Korinth 12). U long u nongai ba pynshemphang jong ka jingpyrsad mynsiem badonbor (Job 32:8; Isa.11:2). U long ma u uba la pynsleh ia ki shakri jong u Blei bad da u kila pynpaw bad pynsan ia ka kam u Trai (Ki Kam 10:38;1 Ioan. 2:27). U long u nongsakhi bakhraw tam jong u Jisu Khrist uba pynkylla ia ka pyrthei na ka pop sha ka hok bad ka jingbishar (Ioan.15:26; 16:8). Da ka jingdon bad jingdap jong u kaba ki nongbud jong u ki la iohpdiang ia ka bor ban sakhi ia u Khrist ha ka pyrthei baroh kawei (Ki Kam 1:8).
© Thermudis Marbaniang, 2010
